Grænir skátar x Klick

Grænir skátar er umhverfisfyrirtæki í eigu Bandalags íslenskra skáta sem hefur starfað frá árinu 1989. Fyrirtækið safnar skilgjaldsskyldum umbúðum og reka Grænir skátar 260 söfnunargáma sem búnir eru skynjurum. Þjónustan nær til húsfélaga, fyrirtækja og fjáröflunarverkefna um allt land. Allur ágóði af starfseminni rennur óskertur í heilbrigt, öruggt og uppbyggilegt skátastarf fyrir börn og ungmenni.

Grænir skátar leituðu til Klick með það verkefni að endurhanna vefsíðuna frá grunni og skapa þannig stílhreinan og fræðandi upplýsingavef sem miðlar þjónustu fyrirtækisins á markvissari hátt. Nýi vefurinn þurfti jafnframt að styðja við fyrirspurnarform; draga fram jákvæð áhrif starfseminnar á umhverfið áður en annasöm sumarvertíðin gengi í garð. Jafnframt þurfti vefsíðan að endurspegla uppfærða vörumerkjaímynd fyrirtækisins og síðast en ekki síst var mikilvægt að starfsfólkið gæti sjálft haldið vefnum uppfærðum án þess að þurfa tæknilega sérþekkingu.

Vefurinn dregur saman alla þjónustu fyrirtækisins á einum stað á aðgengilegan hátt: móttöku skilagjaldsumbúða, söfnunargáma um allt land, þjónustu við húsfélög og fyrirtæki, samstarf um fjáröflun og upplýsingar um REEN-skynjaratæknina. Með fyrirspurnarforminu geta viðskiptavinir óskað eftir söfnunargámi á einfaldan hátt, bókað fjáröflunarsöfnun eða sent fyrirspurn um þjónustuna. Kort yfir söfnunargámana auðveldar fólki að finna staðsetningu næsta söfnunargáms. Sérstakir efnisflokkar fjalla um sögu fyrirtækisins, áhrif þess á umhverfið, starfsfólkið og samfélagslegt hlutverki þess.

Hönnunin byggir á endurmarkaðri vörumerkjaímynd fyrirtækisins, með Montserrat-leturgerð og

afgerandi litapallettu í grænum, navy-bláum og magenta, ásamt skýrum upplýsingastrúktúr sem gerir gestum auðvelt að átta sig á þjónustu Grænna skáta og hvernig þeir geta nýtt sér hana.

Niðurstaðan er einfaldur og fræðandi upplýsingavefur sem þjónar breiðum hópi notenda, allt frá einstaklingum sem skila umbúðum til fyrirtækja sem óska eftir reglubundinni þjónustu. Jafnframt hefur starfsfólkið fengið öflugan og notendavænan vef sem það getur sjálft haldið uppfærðum.

Niðurstaðan

Afraksturinn er nútímalegur og upplýsingadrifinn vefur sem gerir meira en að kynna starfsemina – hann leiðir gesti markvisst gegnum þjónustu fyrirtækisins. Skýrar þjónustusíður, samþætt fyrirspurnarform og kort yfir söfnunargáma gera notendum auðvelt að nýta sér þjónustu Grænna skáta, um leið og umfjöllun um áhrif starfseminnar dregur fram þann umhverfislega og samfélagslega ávinning sem felst í því að skila umbúðum með skilagjaldi.

Eins og Grænir skátar orða það sjálfir var gamli vefurinn ekki lengur að þjóna tilgangi sínum og nauðsynlegt var að endurnýja hann fyrir sumarið. Með flutningi yfir í Duda fengu Grænir skátar nútímalegan vef í anda vörumerkisins sem endurspeglar loks umfang starfseminnar – allt frá því að reka 260 söfnunargáma til þjónustu við hundruð fyrirtækja. Nú eiga Grænir skátar vefsíðu sem fræðir, upplýsir og auðveldar fólki að taka þátt, auk þess sem starfsfólkið getur séð um allar uppfærslur sjálft.

“Við í Jarðböðunum við Mývatn leituðum til Klick varðandi uppsetningu og hönnun á nýrri heimasíðu. Allt ferlið gekk ótrúlega vel frá upphafi til enda. Starfsfólkið lagði sig allt fram við að vinna síðuna með okkur, vann úr öllum okkar athugasemdum og punktum og var einstaklega liðlegt í öllu sínu verki. Verkið var unnið hratt og örugglega og útkoman er falleg, notendavæn og skilvirk heimasíða sem virkar vel á öllum tækjum. Ég mæli hiklaust með Klick fyrir alla sem vilja vandaða, örugga og persónulega þjónustu!”

Ragnhildur Hólm Sigurðardóttir

Earth Lagoon Mývatn